top of page

ვინ არის IT Project Manager და რა არის მისი პასუხისმგებლობები

ამ სტატიაში მოგიყვები IT Project Manager-ის ფუნქციაზე, რით განსხვავდება ტრადიციული პროექტის მენეჯერისგან და რა არის მისი ძირითადი პასუხისმგებლობები.




რას ნიშნავს IT Project Manager

გაგიკვირდება და საქმე მარტივადაა. IT პროექტის მენეჯერი არის (ისევ) პროექტის მენეჯერი, რომელიც სპეციალიზირებულია ინფორმაციული ტექნოლოგიების (IT) სფეროში პროექტების მართვაში. ეს ჩვეულებრივ გულისხმობს პროექტებზე მუშაობას, რომლებიც მოიცავს IT სისტემების და ინფრასტრუქტურის განვითარებას, პროგრამული უზრუნველყოფის შექმნასა და ა.შ.


გამოდის, რომ IT პროექტის მენეჯერს ჭირდება ორი მიმართულებით სპეცილიზაცია:

  1. ზოგადი პროექტების მართვის სპეციალიზაცია;

  2. საინფორმაციო ტექნოლოგიებში გათვითცნობიერება;

რას აკეთებს IT Project Manager?

არ ავხსნი იმას, რომ IT Project Manager-ის პასუხისმგებლობაში შედის პროექტის დადგენილი Scope-ით, ბიუჯეტითა და ვადებით ჩაბარება. ეს თავისთავად იგულისხმება, როდესაც პროექტის მენეჯერის პოზიციაზე საუბრობ (სულერთია, როგორი იქნება).


IT Project Manager პასუხისმგებელია პროექტის ტექნიკურ ასპექტებზე ზედამხედველობასა და კოორდინაციაზე, მათ შორის ტექნიკური გადაწყვეტილებების შემუშავებასა და განხორციელებაზე. ეს შეიძლება მოიცავდეს IT გუნდთან მუშაობას, როგორიცაა დეველოპერები, ანალიტიკოსები, სისტემური ინჟინრები და ა.შ, რათა უზრუნველყონ პროექტის მიზნებსა და ვადებში შესრულება.


იმისათვის, რომ IT Project Manager წარმატებული იყოს ამ როლში, მას უნდა ჰქონდეს ძლიერი ლიდერობისა და კომუნიკაციის უნარები, ისევე როგორც კომპლექსური და რთული პროექტების მართვის უნარი. IT Project Manager ასევე უნდა იყოს მაღალორგანიზებული და შეეძლოს მოერგოს პროექტის ცვალებად მოთხოვნებსა და პრიორიტეტებს.


IT Project Manager-ის პასუხისმგებლობები

  • პროექტის Scope-ის, მიზნების და deliverable-ების განსაზღვრა

  • პროექტის გეგმის და ვადების შემუშავება

  • პროექტისთვის საჭირო რესურსების იდენტიფიცირება

  • გუნდის წევრების მართვა და მოტივაცია პროექტის პროგრესისა და წარმატების უზრუნველსაყოფად

  • კომუნიკაცია დაინტერესებულ მხარეებთან, მათ შორის კლიენტებთან, გუნდის წევრებთან და ხელმძღვანელობასთან

  • პროექტის რისკებისა და საკითხების მონიტორინგი და კონტროლი

  • პროექტის პროგრესისა და შესრულების შესახებ თვალყურის დევნება და მოხსენება

  • უზრუნველყოს, რომ პროექტი დასრულებულია ბიუჯეტის ფარგლებში და დროულად


IT Project Manager-ისთვის საჭირო უნარები და კვალიფიკაცია

ძლიერი ლიდერობისა და კომუნიკაციის უნარები: IT პროექტის მენეჯერს უნდა შეეძლოს ეფექტური კომუნიკაცია გუნდის წევრებთან, დაინტერესებულ მხარეებთან და კლიენტებთან, რათა უზრუნველყოს პროექტების დასრულება დროულად და ბიუჯეტის ფარგლებში. მას ასევე უნდა შეეძლოს გუნდის წევრების მართვა და მოტივაცია.


ტექნიკური ექსპერტიზა: IT პროექტების მენეჯერს კარგად უნდა ესმოდეს მისი პროექტების ტექნიკური ასპექტები, ასევე უნარი გაიზრონ და მიაწოდონ ტექნიკური კონცეფციები გუნდის წევრებსა და დაინტერესებულ მხარეებს. ეს არ ნიშნავს Solution Architect-ის როლში გადასვლას. აქ საუბარია იმაზე, რომ IT პროექტების მენეჯერს იმდენად კარგად უნდა ესმოდეს ტექნოლოგია, რომ გუნდის წევრებთან ადაპტირებული ტერმინოროლოგიით არ ისაუბროს.


ორგანიზების უნარები: IT პროექტების მენეჯერი აცულებლად უნდა იყოს მაღალორგანიზებული, რათა მართოს რთული პროექტები და დაიცვას ვადები. ეს მოიცავს ამოცანების ეფექტურად პრიორიტეტიზაციას და რესურსების მართვას.


პრობლემის გადაჭრის უნარები: IT პროექტის მენეჯერს უნდა შეეძლოს აღმოაჩინოს და გადაჭრას საკითხები და რისკები, რომლებიც შეიძლება წარმოიშვას პროექტის მსვლელობისას.


ადაპტაციის უნარები: IT პროექტის მენეჯერს უნდა შეეძლოს ადაპტირება პროექტის ცვალებად მოთხოვნებთან და პრიორიტეტებთან და შეეძლოს მრავალი პროექტის მართვა ერთდროულად.



Kommentare


bottom of page