Agile

Agile არის მართვის მიდგომა, რომელიც ეყრდნობა თვითორგანიზებული და ავტონომიური გუნდების კონცეფციას.

ემსახურება კომპლექსური პროცესებისა და პროექტების მოქნილად გადაწყვეტას, ბაზარზე კონკურენტული უპირატესობის შექმნასა და მომხმარებლისთვის ღირებულების მქონე პროდუქტის მიწოდებას.

Ceremony

ცერემონია არის შეხვედრის ტიპი, რომელიც ტარდება გუნდის მიერ კონკრეტული იტერაციის ფარგლებში. Scrum-ში არის შემდეგი ტიპის ცერემონიები: ყოველდღიური სინქრონიზაცია, სპრინტის დაგეგმვა, სპრინტის განხილვა და სპრინტის რეტროსპექტივა. 

Agile Manifesto

Agile Manifesto არის ფილოსოფია, რომელიც ჩამოაყალიბა პროგრამული უზრუნველყოფის 17-მა პრაქტიკოსმა, რომლებსაც სურდათ ეპოვათ ეფექტური ალტერნატივა, მძიმე პროგრამული უზრუნველყოფის შემუშავების პროცესის გამარტივებისთვის. Agile Manifesto მოიცავს ოთხ მიდგომას, რომელიც აქცენტს აკეთებს გუნდებსა და ინდივიდებზე, მომხმარებლებთან ურთიერთქმედებებსა და ცვლილებების მიმართ გახსნილობაზე.

Cross-Functional Team

გუნდი, რომელიც შედგება ყველა იმ უნარისა და კომპეტენციის მქონე წევრისგან, რომელიც საჭიროა პროდუქტის გამოსაშვებად.

Agile Mindset

Agile Mindset არის ღირებულებებისა და დამოკიდებულებების ერთობლიობა, რომელიც ეხმარება გუნდებს / ინდივიდებს მართონ ცვლილებები არაპროგნოზირებად და დინამიურ გარემოში. Agile Mindset-ის გამოყენებით, გუნდები წარუმატებლობას განიხილავენ, როგორც სწავლის შესაძლებლობებს, აზიარებენ ცოდნას და თანამშრომლობენ ბუფერების გარეშე.

Backlog

Backlog არის პრიორიტეტების მიხედვით დალაგებული იმ ამოცანების სია, რომლის საშუალებითაც უნდა შეიქმნას ან/და გაუმჯობესდეს კონკრეტული მიზნები